O Gorskom kotaru na polugoranskom jeziku
Goranski tračar
Nema zapisa.
Blog
srijeda, kolovoz 21, 2013

Leto je vreme kat se adaptiraju, ljudi, bertije i sve drugo kaj treba. Daklem, kak reče moj pajdaš Joža, kros zadnjih mesec i pol dana mogal san van šprehat o tomu kak narot kreči, kak se drva piliju i z kakovim se faktorom, kaj štiti ot sunca, na plaži mažeju goranske  kože. Rečeju po dučanima da se največji faktor 50 opet jako prodaval, jer kat se iza šest meseci snežne, oblačne i mrzle metjorologie goransko kožo metneš na sunce, to ti izgleda ko ono va holivuckim filmu kat  grof Mote Kristo posle deset let zbriše iz rešta, pa čovek jedva preživi zato kaj je pogledal sunčano nebo.

Kat san Jožu podsetil na ovaj holivucki film, on je zaključil kak je Kristetu ipak  bilo bolj neg nama. On je  iza deset let rešta našal nekakovo skrito blago i dopeljal si život va ret. Goranski se gracki i opčinarski proračuni iza šest meseci zime do sat baš i nisu nekaj kvalitetno zrihtali na poslovni rezultat «nula z nulom». Uvek je neko na gubitkima i proračunskim «rezovima»-  Zato se Joža prvok dana iza adaptacie bertije kot konobarice Darinke odma zapital. 

-         Baš me zanima kak bi se taj Monte Kristo iza rešta snašal va životu, da je, mesto otoka sa skritim blagom, otkril nekaj sličnoga proračunu ot naše županie i tražil da mu se nekak refundiraju posledice života va teškim uvetima?

-         Ja bi mu predložil da se odma vrne v rešt! – ubacil se prvi scenarist z gemištarskom imspiraciom.

-         Prema onomu kak ja  gledam na stvar – mudrijal je drugi suradnik na scenariu – mislin da bi dugoročno moral smanjit svoje kulturne i sporcke potrebe.

-         Ak smanji sporcke potrebe – zabrinul se prvi – velko je pitajne, kak bi se iza rešta vrnul  na dobru fizičku kondiciu.

Kat se sve zbroji i oduzme ispada da je grofu Monte Kristetu bilo bolj  iza deset let rešta, neg Goranima iza šest meseci zime, a čovjek si je, ak se dobro sečam,   uspel zrihtat i emocjonalnu situaciu. Kak ni soldof, mi smo va Gorskom kotaru po tom pitajnu  pod zadnje postali nerevozni ko stare jumferice, čak i odnda kat nan država sa svojin soldima stimulira emocjonalni život. Bes emocia se, kaj ne, zavičaj nikat ne bu demografski obnovil, ali kat se solde ot države pret mesec dan emocjonalno uložilo  va delničku ljubavnu stozu, odma se vidlo kolko smo grintavi, kolko se nemamo rada i zakaj se po Gorskom kotaru puno več gre na  sprovode neg va rodilišta.

-         Osim toga su nan se i zadnjih dana temperature grdo zrušile – primetil je pajdaš Joža. za vreme rasprave o demografskoj obnovi.

Z drugim rečima, zadnjih se dana iza adaptacie opet otprla bertija kot konobarice Darinke, ali se zbog metejoroloških uveta počel zapirat Darinkin duboki dekoltej, Tak gemištari više ne moreju špijat va stimulaciu bolje  demografske budučnosti.  

goranski-tracar @ 11:03 |Komentiraj | Komentari: 8 | Prikaži komentare